ЁРДАМЧИИ БОЭЪТИМОД ВА ИЛҲОМБАХШИ ШУМО
Муаллимони муҳтарам, методистҳо, роҳбарони муассисаҳои таълимӣ ва ҳамаи онҳое, ки дар раванди таълим дар Ҷумҳурии Тоҷикистон иштирок доранд!
Бо шавқу завқи зиёд ва умед ба тағйироти мусбат дар соҳаи маорифи мамлакати мо, шуморо дар саҳифаҳои нашри нави мо – маҷаллаи «Омӯзгори муосир» истиқбол мекунам. Ин нашрия аз фаҳмидани зарурати дастгирӣ ва рушди омӯзгорони мо ба вуҷуд омадааст, ки ҳар рӯз ба ояндаи фарзандони мо ва тамоми миллат саҳми бебаҳо мегузоранд.
«Омӯзгори муосир» бо мақсади ёрдамчии боэътимод ва илҳомбахши шумо дар ин кори душвор, вале ниҳоят муҳим таъсис дода шудааст. Мо мекӯшем, ки шуморо бо дониш ва абзорҳои мувофиқтарин таъмин намоем, то омӯзишро барои ҳар як кӯдак самараноктар, ҷолибтар ва дастрастар гардонем.
Маҷаллаи «Омӯзгори муосир» инъикоси майлу хоҳиши мо барои рушд ва такмили доимӣ дар соҳаи маориф ва эътиқоди мо ба нақши бебаҳои муаллим дар ташаккули ояндаи кишвари мо мебошад.
Саҳифаҳои мо бо мақолаҳо дар бораи таҳқиқоти охирини педагогика, баррасиҳои технологияҳои инноватсионии таълимӣ, усулҳои таълим ва инчунин ҳикояҳои воқеии муваффақияти ҳамкасбони шумо, ки аллакай ин навовариҳоро дар амал татбиқ мекунанд, пур карда мешаванд. Умедворем, ки ин ба эҷоди як ҷомеаи қавӣ ва фаъоли мутахассисоне, ки барои мубодилаи таҷриба ва ҳалли мушкилоти ба миен омада омодаанд, кӯмак хоҳад кард.
Дар давраи тағйироти ҷаҳонӣ ва мушкилоти нав, касби омӯзгорӣ такмили доимии худ ва мутобиқ шудан ба шароити тағйиребандаро талаб мекунад. «Омӯзгори муосир» барои дастгирии шумо дар ин раванди душвор тавассути дастрасӣ ба таҷрибаҳо ва таҳқиқоти пешрафтаи педагогӣ пешбинӣ шудааст.
Бовар дорам, ки якҷоя мо метавонем ба нафъи хонандагон ва тамоми ҷомеаи таълимии Ҷумҳурии Тоҷикистон ба комебиҳои бузург ноил гардем. Ман ба маҷаллаи «Омӯзгори муосир» орзу дорам, ки манбаи донишҳои бебаҳо ва қарорҳои амалӣ гардад, ки ба рушд ва шукуфоии системаи таълимии мо мусоидат мекунанд.
Мутриба АҲМАДӢ,
директори Филиали Донишкадаи
ҷумҳуриявиии такмили ихтисос ва
бозомӯзии кормандони соњаи маориф
дар шаҳри Душанбе