ВАЗИФАҲОИ ХИЗМАТИИ МУОВИНИ ДИРЕКТОР

– тобеъ ва ҳисоботдиҳанда будан ба директори Марказ доир ба фаъолият, ҳамкорӣ ва кумак дар самти корҳои таълимию методӣ ба директори Марказ;
– муваққатан иҷро намудани ваколатҳои директори Марказ дар ҳолати набудани директори Марказ (ба ҷуз масъалаҳои кадрӣ ва молиявӣ);
– таъмини ба нақшагирии дурнамо, солона ва ҷории фаъолияти Марказ, назорати иҷрои ҷараёни онҳо;
– назорати фаъолияти сардорони воҳидҳои сохторӣ, кормандони раёсат ва шуъбаҳои Марказ;
– ташкил ва назорати кор оид ба омўзиши ҳуҷҷатҳои меъёрию ҳуқуқӣ, такмил додани мазмуну мундариҷаи таълим ва тақвият додани ёрии амалии таълимию методӣ дар муассисаҳои таълимӣ,  назорати фаъолияти хадамоти методии раёсату шуъбаҳои маорифи вилоятӣ, шаҳрӣ ва ноҳиявӣ;
– дар мувофиқа бо директори Марказ додани дастур ба кормандони Марказ оид ба омўзиши фаъолияти хадамоти методии раёсату шуъбаҳои маорифи вилоят ва шаҳру ноҳияҳои ҷумҳурӣ;
– ба роҳ мондани омўзиши таҷрибаи пешқадам, барномаҳои телевизионӣ, навиштани дастуру маќолаҳои методӣ ва дигар маводи илмӣ-методӣ тавассути мутахассисони Марказ;
– таъмин назорат ва иҷрои саривақтии ҳуҷҷатҳои ҳукуматӣ, нақшаву барномаҳо ва нақшаи  кори раёсату шуъбаҳои  Марказ;
– роҳбарӣ ба корҳои таълимию методӣ, чорабиниҳои ҷумҳуриявӣ ва минтақавии ба нақша гирифташуда, гузаронидани озмуну семинар –машваратҳо;
– назорати ҷараёни семинару конференсияҳо, симпозиумҳои илмию- методӣ, хонишҳои педагогӣ ва ѓайра, таҳлил ва пешниҳоди ҳисобот дар ин самт;
– таҳия ва назорати корҳои илмӣ-методии наќшаи кори солонаи Марказ, назорат ҷараёни иҷрои онҳо;
– вобаста ба зарурат, мувақатан ба уҳда гирифтани вазифаи раисии ҷаласаи Шурои методии Марказ ва ҷаласаҳои назоратии назди директори Марказ;
– назорати рафти корҳои илмӣ-методӣ, таҳия ё тартиб додани тавсияҳои методии кормандон, расонидани кумаки методӣ ба муаллифони онҳо;
– таъмини хизматгузории Марказ бо назардошти талаботи санитарию гигиенӣ ва таълимию бехатарии меҳнат,  ро мекунад, омода намудани шароити моддӣ-маишӣ барои кормандони Марказ;
– робарӣ ва назорати фаъолияти кормандони раёсатҳои таҳсилоти томактабӣ ва миёнаи умумӣ, таҳсилоти касбӣ, шуъбаҳои таҳия ва нашр, табъу нашр, технологияи иттилоотӣ;

САЙДАЛИЕВ ХУРШЕД АМИРХОНОВИЧ
муовини директори Маркази ҷумҳуриявии таълимию методии назди Вазорати маориф ва илми Ҷумҳурии Тоҷикистон 

  22-юми ноябри соли 1992 дар Ҷумҳурии Тоҷикистон таваллуд шудааст, тоҷик, маълумоташ олӣ. Доктори фалсафа (PhD) дар иқтисодиёт, аълочии маориф ва илми Ҷумҳурии Тоҷикистон. Ихтисос технология ва низоми иттилоотӣ
 Соли 2010 Муассисаи таҳсилоти миёнаи умумии №29-и шаҳри Панҷакенти вилояти Суғдро хатм кардааст. Соли 2014 (зинаи бакалавр) Донишгоҳи технологии Тоҷикистонро бо дипломи аъло хатм кардааст. Соли 2016 (зинаи магистратура) Донишгоҳи давлати молия ва иқтисоди Тоҷикистонро бо дипломи аъло хатм кардааст. Соли 2019 (зинаи доктори фалсафа (PhD)) Донишгоҳи давлати молия ва иқтисоди Тоҷикистонро хатм кардааст.
 Соли 2020 курсҳои такмили ихтисос дар Донишкадаи рушди маорифи вилояти Иваново аз рӯи барномаи иловагии касбии «Менеҷмент дар соҳаи маориф»-ро гузашта, соҳиби шаҳодатномаи ин донишкада гардидааст. Ҳамчунин, соли 2023 дар курсҳои такмили ихтисоси Академияи хоҷагии халқ ва идораи давлатии назди Президенти Федератсияи Русия дар доираи барномаи иловагии касбии «Ҳукумати рақамӣ» фаъолона иштирок намуда, соҳиби шаҳодатномаи ин академия гардидааст.
 Фаъолияти меҳнатиро ба ҳайси мутахассиси раёсати таълим оид ба магистратураи Донишгоҳи давлатии молия ва иқисоди Тоҷикистон аз сол 2015 – 2017 оғоз кардааст. Соли 2017 ба ҳайси  сардори раёсати таълими Коллеҷи информатика ва техникаи компютерии шаҳри Душанбе фаъолият кардааст.   Солҳои 2018-2022 ба ҳайси омӯзгори калон ва дотсенти кафедраи методикаи таълими фанҳои табиӣ-риёзии Донишкадаи ҷумҳуриявии такмили ихтиосос ва бозомӯзии кормандони соҳаи маориф фаъолият кардааст. Солҳои 2022-2024 ба ҳайси ходими пешбари илмӣ – дотсенти Пажуҳишгоҳи идоракунии давлатӣ ва хизмати давлатии Академияи идоракунии давлатии назди Президенти Ҷумҳурии Тоҷикистон кор кардааст. Аз оғози соли 2025 то ин ҷониб муовини директори Маркази ҷумҳуриявии таълимию методии назди Вазорати маориф ва илми Ҷумҳурии Тоҷикистон кору фаъолият намуда истодааст.