ШУЪБАИ ТАҲИЯ, НАШР, ТАШХИС ВА ТАЪМИНИ КОРҲОИ ИЛМТ–МЕТОДӢ

Шуъбаи дар асоси Оинномаи Маркази ҷумҳуриявии таълимию методӣ бо мақсади татбиқи сиёсати ягонаи давлатӣ дар соҳаи маориф, назорату такмили мазмуну мундариҷаи таълим, расонидани ёрии амалии таълимию методӣ ба омўзгорони муассисаҳои таҳсилоти миёнаи умумӣ, баланд бардоштани маҳорати касбии омўзгорон, омўзиш ва паҳн намудани таҷрибаи пешқадами педагогӣ, татбиқи методу усулҳои нави таълим дар раванди таълиму тарбия, баланд бардоштани сифати таҳсилот, инчунин, бо мақсади таҳия, нашр, ташхис, таҳлил ва таъмини омўзгорони муассисаҳои таълимӣ бо дастурҳои методӣ, маводи таълимӣ, маводи аттестатсияҳои хатм барои синфҳои 9 ва 11  буда, бо ин васила кумак ба омўзгорон, баланд бардоштани дониши назариявӣ ва маҳорати касбии онҳо ва бо ин васила баланд бардоштани сатҳу сифати таҳсилот таъсис дода шудааст.   Шуъба фаъолияти худро дар асоси Оинномаи Марказ ва низомномаи шуъба ба роҳ мемонад.
                                                                                                                                     

ВАЗИФАҲО ВА САМТҲОИ ФАЪОЛИЯТИ ШУЪБА

-Ҳамкории зичро бо дигар шуъбаҳои Марказ, шуъбаву раёсатҳои марбутаи Вазорати маориф ва илми Ҷумҳурии Тоҷикистон, бо нашрияи “Маориф” ва Маркази таҳия, нашр ва муомилоти китобҳои дарсӣ, илмию методии Вазорати маориф ва илми Ҷумҳурии Тоҷикистон  самаранок ба роҳ мемонад;
-Расонидани ёрии амалӣ ба кабинетҳои методии  раёсат ва шуъбаҳои маорифи шаҳру ноҳияҳо дар самти таҳия, таҳлилу ташхис ва таъмини онҳо бо маводи методӣ, маводи аттестатсияи синфҳои хатмкунанда аз ҳамаи фанҳои аттестатсияшаванда, дар навбати худ ҷорӣ намудани шаклҳои нави таълиму тарбия, навгониҳои илму техника, таҷрибаи пешқадами педагогӣ, такмили сифат ва самаранокии фаъолияти таълимию тарбиявӣ, таъмин намудани муассисаҳои таҳсилоти умумӣ бо маводи таълимӣ, аёниятҳои зарурӣ мебошад.
-Омӯзиши таҷрибаи пешқадами педагогӣ, технологияи инноватсионӣ ва ташвиқу тарѓиби он дар муассисаҳои таҳсилоти миёнаи умумӣ бо мақсади баланд бардоштани самаранокии таълиму тарбия ва  маҳорати  касбии омўзгорон.
-Мураттаб ва паҳн намудани тавсияҳои методӣ, адабиёти педагогӣ, роҳнамо, коркарди мавзуъҳои таълимӣ бо назардошти муносибати босалоҳият ба таълим ва дигар аёнияту дастурҳои таълимию методӣ дар самти рушди  фаъолияти касбии омўзгорони муассисаҳои таҳсилоти миёнаи умумии ҷумҳурӣ.
-Омўхтани амалишавии ислоҳот, таҷдид, татбиқ, таҳияи  нақша ва барномаҳои таълимӣ бо назардошти давлатҳои тараққикардаи ҷаҳон ва дар ин самт расонидани ёрии амалӣ ба кормандони кабинетҳои  методии шуъбаҳои маорифи шаҳру ноҳияҳои ҷумҳурӣ.
-Ёрӣ ба муассисаҳои таълимии ҷумҳурӣ дар ҷорӣ намудани шаклҳои нави таълиму тарбия тавассути ташкилу гузаронидани семинар- машваратҳои дастурдиҳӣ, мизи мудаввар ва дар таҳияи дастурҳои методӣ.
-Расонидани ёрии амалӣ дар ташкил ва самаранок ба роҳ мондани  фаъолияти хадамоти методӣ дар шуъбаҳои маорифи шаҳру ноҳияҳои ҷумҳурӣ.
-Ба инобат гирифтани дархости шуъбаҳои маориф, кабинетҳои методӣ ва муассисаҳои таҳсилоти умумӣ ҷиҳати дастрас намудани онҳо бо дастуру маводи аттестатсияи хатм ва пешниҳоди дархост ба директори Марказ.
-Ташкил ва мутобиқ  намудани мазмуну мундариҷаи таълим бо нақшаву барномаҳои таълимӣ, корҳои илмӣ-методӣ ва китобҳои дарсӣ, инчунин такмил додани самти фаъолияти хадамоти методӣ дар муассисаҳои таҳсилоти умумии Ҷумҳурии Тоҷикистон.
-Бо мудирони кабинетҳои методии шуъбаҳои маорифи шаҳру ноҳияҳо ташкили семинар – машваратҳои дастурдиҳӣ ҷиҳати гирифтану таъмин намудани муассисаҳои таълимӣ бо дастуру маводи методии  ёрирасони аттестатсионӣ.
-Дар тайёр намудан ва гузаронидани чорабиниҳои методӣ, конференсияҳо, семинарҳои дастурдиҳӣ, мизи мудаввар, озмуну машваратҳо ва ғайраҳо саҳм мегирад ва ёрии амалӣ мерасонад.
-Дар таҳияи тақриз, ташхис, тавсия ва ба чоп омода намудани дастур, барномаҳои таълимӣ, китобҳои дарсӣ, мақолаҳои илмӣ –методӣ, воситаҳои аёнӣ ва  таълимию тарбиявӣ барои ҳама намуди муассисаҳои таълимӣ иштирок менамояд.
-Дар санҷишҳои комплексӣ, аттестатсияи муассисаҳои таълимӣ, кормандони педагогӣ, таҳияи китобҳои дарсии насли нав, дигар чорабиниҳо дар ҳамкорӣ бо мутаххассисони  раёсату шуъбаҳои Вазорати маориф ва илми Ҷумҳурии Тоҷикистон ва сохторҳои зертобеи он иштирок менамояд.
-Муассисаҳои таълимиро новобаста ба шакли моликият ва тобеияташон бо маводи зарурии таълимию методӣ ва аёниятҳои ба талаботи замон ҷавобгўй таъмин менамояд.
-Дар омўзиш ва амалӣ намудани дастовардҳои педагогикаи муосир, методикаи таълими фанҳо, ки ба инноватсия, технологияи педагогӣ ва хадамоти методӣ ҷавобгўй мебошанд, саҳм мегузорад.
-Дар мушовараҳои сайёри Вазорати маориф ва илми Ҷумҳурии Тоҷикистон шомил гардида, масъалаҳои марбутаро баррасӣ мекунад.
-Эҳтиёҷоти омўзгоронро бо маводи таълимию методӣ, маводи аттестатсияи хатм муайян намуда, ҷиҳати таҳияи дастурҳои таълимию методӣ ва маводи зарурӣ,теъдоди нашри онҳо ба директори Марказ гузориш пешниҳод менамояд.
-Дар ҳамкорӣ бо омўзгорони варзидаи муассисаҳои таҳсилоти миёнаи умумии ҷумҳурӣ дар омода намудани ҳуҷҷатҳои меъёрӣ ва дастурҳои таълимию методӣ, маводи аттестатсияҳои хатм саҳм мегирад.
-Дар таъмин намудани муассисаҳои таҳсилоти миёнаи умумии ҷумҳурӣ бо санадҳои меъёрии ҳуқуқӣ ва дигар маводи зарурӣ ҳисса мегузорад.
-Ҳамкорӣ бо воситаҳои ахбори омма дар самти тарѓиби корҳои илмӣ, эҷодӣ, таълимию методӣ, тарбиявӣ, таҳия ва нашри корҳои илмӣ-методӣ, дастурҳои таълимӣ ва дигар маводи зарурӣ кўшиш менамояд.
-Расонидани кумаки амалӣ дар пиёда намудани ислоҳот дар соҳаи маориф, таҳия, ташхис ва нашри мақолаву дастурҳои методӣ, ба роҳ мондани таълими инноватсионӣ дар муассисаҳои таҳсилоти миёнаи умумии ҷумҳурӣ саҳм
мегирад.

ЗАРИФЗОДА НАСИМ НУРУЛЛО
Сардори Раёсати таҳсилоти касбӣ (ибтидоӣ, миёна, олӣ ва баъдидипломӣ)

     10-уми майи соли 1992 дар Ҷумҳурии Тоҷикистон таваллуд шудааст, тоҷик, маълумоташ олӣ. Ихтисос иқтисодчӣ, Унвонҷӯи Академияи идоракунии назди Президенти Ҷумҳурии Тоҷикистон.
Соли 2021 бо «Сипосномаи»-и Кумитаи иттифоқи касабаи кормандони соҳаи маориф дар шаҳри Душанбе, соли 2022 бо «Ифтихорнома» №1315 Вазорати маориф ва илмӣ Ҷумҳурии Тоҷикистон, соли 2023 «Сипоснома»-и муовини вазири маориф ва илмӣ Ҷумҳурии Тоҷикистон, соли 2023 бо «Ифтихорнома»-и ректори Муассисаи давлатии «Донишкадаи ҷумҳуриявии такмили ихтисос ва бозомӯзии кормандони соҳаи маориф» соли 2024 бо «Сипосномаи»-и Вазири маориф ва илми Ҷумҳурии Тоҷикистон, соли 2024 бо  «Ифтихорнома»-и Ҳизби халқии демократии Тоҷикистон Кумитаи иҷроияи ноҳияи Шоҳмансур сарфароз гардонида шудааст.
Соли 2010 Мактаби миёнаи умумии №128-и шаҳри Ҳисорро хатм кардааст. Соли 2010-2014 донишҷӯи Донишкадаи давлатии тиҷорати Тоҷикистон. Соли 2015-2017 Магистранти Дошикадаи молия ва иқтисоди Тоҷикистон. Соли 2017-2018 Сармуахассиси шуъбаи хоҷагидори Донишкадаи молия ва иктисоди Тоҷикистон. Соли 2018 Сармутахассиси филиали Муассисаи давлатии «Донишкадаи ҷумҳуриявии такмили ихтисос ва бозомӯзии кормандони соҳаи маориф» дар шаҳри Душанбе. Соли 2019 мудири шуъбаи таълими филиали Муассисаи давлатии «Донишкадаи ҷумҳуриявии такмили ихтисос ва бозомӯзии кормандони соҳаи маориф» дар шаҳри Душанбе. Аз 03.03.2024 то 05.05.2024 и.в директори филиали Муассисаи давлатии «Донишкадаи ҷумҳуриявии такмили ихтисос ва бозомӯзии кормандони соҳаи маориф» дар шаҳри Душанбе Соли 2022 -2024 Муовини директори филиали Муассисаи давлатии «Донишкадаи ҷумҳуриявии такмили ихтисос ва бозомӯзии кормандони соҳаи маориф» дар шаҳри Душанбе. Аз 2 январи соли 2025 Сардори раёсати таҳсилоти касбии Маркази ҷумҳуриявии таълимию методии назди Вазорати маориф ва илми Ҷумҳурии Тоҷикистон.