734024 ш.Душанбе, кӯчаи А.Дониш 50 
( +992 ) 222-16-02, 222-19-02
t.metodi@maorif.tj
Дар рӯҳияи сиёсати дурбинонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо ҳадафи истиқболи ҷашни муқаддаси Истиқлолияти давлатӣ, рӯзи шанбеи 7-уми сентябри соли 2025 дар Маркази ҷумҳуриявии таълимию методии назди Вазорати маориф ва илм шанбегии умумидастаҷамъӣ баргузор шуд.
Барои миллати тоҷик Истиқлолият манбаи ифтихору худшиносӣ ва пояи давлатдории устувор аст. Аз ин рӯ, ҳайати кормандони муассиса бо ҳисси ватандӯстӣ ва масъулияти шаҳрвандӣ ба тозакунии ҳудуд ва корҳои ободонӣ ҳамроҳ шуда, саҳми худро дар зебогардонии муҳити корӣ гузоштанд.
Дар ҷараёни шанбегӣ роҳраву гулгаштҳо ва атрофи бино аз партовҳо тоза гардида, дарахтону гулҳо ба тартиб оварда шуданд. Ин иқдом на танҳо ба покизагию ободии муассиса мусоидат намуд, балки ҳамчун нишони эҳтиром ба арзишҳои миллӣ ва арҷгузорӣ ба ҷашни Истиқлолият пазируфта шуд.
Бо ҳамин ҳамбастагӣ ва якдилӣ, кормандони Марказ собит сохтанд, ки барои пешвози шоистаи ин иди муқаддас омодагии комил доранд.
