Имрӯз – 14 марти соли 2025 дар Маркази ҷумҳуриявии таълимию методии назди Вазорати маориф ва илми Ҷумҳурии Тоҷикистон, бо мақсади расонидани кӯмаки методӣ ба омӯзгорони забони давлатӣ, дар самти истифодаи усуслҳои фаъоли таълим, роҳҳои ҳалли муҳшкилоти ҷойдошта дар таълими забони давлатӣ ва пешниҳоди тавсияҳо барои беҳтар кардани сифати таълими хонандагон аз фанни “Забони давлатӣ” дар муассисаҳои таҳсилоти умумӣ семинар-машварат тариқи маҷозӣ бо кормандони кабинети методии шуъбаҳои маорифи шаҳру ноҳияҳое, ки дар онҳо муассиса (синфҳо)-и таълимашон бо забони ғайритоҷикӣ фаъолият доранд, сурат гирифт.
Семинарро мушовири директор Ҳамза Наврӯзов ифтитоҳ намуда, дар ҷараёни он Бой Нодиров- сардори Раёсати таҳсилоти томактабӣ, умумӣ ва иловагии Марказ дар мавзуи “Рушди забони давлатӣ- омили ҳастии миллат”, Бурибой Ҳайдаров – мутахассиси пешбари шуъбаи таҳия, нашр, ташхис ва таъмини корҳои илмӣ-методии Марказ дар мавзуи “Маҳорати касбии омӯзгор – омили асосии рушди хонанда”, Бибиҷон Умарова – омӯзгор, мутахассиси забони давлатӣ аз муассисаи таҳсилоти умумии хусусии “Мактаби ҷаҳон” дар мавзуи “Муносибати босалоҳият дар таълим: васоил барои омӯзгорони забони давлатӣ” баромад намуданд. Дар фарҷоми семинар мубодилаи афкор оид ба ҳалли мушкилоти мавҷуда аз тарафи иштирокчиёни семинар сурат гирифта, пешниҳоди тавсияҳо барои беҳтар кардани сифати дониш, малака ва маҳорати хонандагон дар таълими забони давлатӣ манзури иштирокчиён карда шуд.