18 марти соли 2025 дарМаркази ҷумҳуриявии таълимию методии назди Вазорати маориф ва илми Ҷумҳурии Тоҷикистон конференсияи фарҳангӣ бахшида ба таҷлили “Наврӯзи байналмилалӣ-2025” бо шукуҳу шаҳомати хоса баргузор гардид. Дар он кормандони Марказ, меҳмонон аз муассисаҳои тобеи Вазорати маориф ва илм иштирок намуданд.
Чорабиниро бо сухани ифтитоҳӣ муовини директори Марказ Хуршед Сайдализода оғоз бахшида, ҳамагонро ба ин ҷашни ҷаҳонӣ, ки рамзи баҳору эҳёи табиат аст, табрику таҳният намуд.
Дар конференсия иброз гардид, ки Наврӯз бостонитарин ҷашнҳои миллии мардуми ориёитабор буда, дар замони Истиқлол бо ташаббуси Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми арзишҳои миллии мо, аз ҷумла, Наврӯз эҳё гардида, дар сатҳи давлатӣ ва бо тамоми шукуҳу шаҳомати хосса ҷашн гирифта мешавад.
Пазируфта шудани Наврӯз ба ҳайси ҷашни байналмилалӣ ва ворид кардани он ба Феҳристи осори фарҳанги ғайримоддии умумиҷаҳонии созмони ЮНЕСКО яке аз дастовардҳои арзишманд натиҷаи азму талоши чандинсолаи Тоҷикистон таҳти роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад
Дар кори конференсия Нодиров Бой-сардори Раёсати таҳсилоти томактабӣ, умумӣ ва иловагии Марказ дар мавзуи “Нақши пешвои миллат дар эҳё ва ҷаҳонишавии Наврӯз”, Ниёзова Маҳина-номзади илмҳои филалогӣ, мутахассисиси пешбари шуъбаи инноватсия ва психологияи таҳсилоти АТТ дар мавзуи “Наврӯз ҷашни пайдоиши равшании аввалин”, Бурҳон Салмон-мудири шуъбаи таъбу нашр, сармуҳаррири маҷаллаи “Масъалаҳои методикаи таълим” дар мавзуи “Наврӯз: дирӯз ва имрӯз”, Бобоева Маҳина-мудири шуъбаи таҳсилоти томактабӣ, ибтидоӣ, бознигариву такмили Стандарт, барномаҳои таълимӣ ва китобҳои дарсии Пажуҳишгоҳи рушди маориф ба номи Абдураҳмони Ҷомии АТТ дар мавзуи “Вашни Наврӯз–омили худшиносӣ», Шердилова Сурайё-мудири кафедраи педагогика, психология ва методикаи таълими ДҶТИБКСМ дар мавзуи “Ҷашни Наврӯз ва нақши он дар ташаккули худшиносии миллӣ. Вожаҳои марбут ба иди Наврӯз (Шогун) дар гӯйиши тоҷикзабонони водии Ғорони ноҳияи Ишкошим”, Ҳамза Наврӯзов – мушовири директор дар мавзуи “Наврӯз-баёнгари худшиносии миллӣ”, Сино Қудратуллозода- мутахассиси пешбари Раёсати таҳсилоти касбии Марказ дар мавзуи Наврӯз: Ҷашни эҳёи табиат ва аҳамияти экологӣ баромад намуда, ҷашни “Наврӯз”-ро баёнгари тафаккури таърихӣ, симои маънавӣ, орзую ормон, расму оин, ҷаҳонбинию ҷаҳоншиносии миллатмон муаррифӣ намуданд.
Конференсияи дар фазои мутантан ва шукӯҳи хоса баргузор гардида, ҳозиринро ба ояндаи нек ва рушди фарҳанги миллӣ руҳбаланд сохт.